ఎన‌ర్జిటిక్ స్టార్ రామ్ పోతినేని హీరోగా నటిస్తున్న తాజా చిత్రం ‘ది వారియర్’. ఈ మూవీకి సంబంధించిన డిజిటల్ మరియు శాటిలైట్ రైట్స్ భారీ ధరకు అమ్ముడైనట్టు సమాచారం. తమిళ డైరెక్టర్ ఎన్‌.లింగుసామి ద‌ర్శ‌క‌త్వంలో రూపొందుతోన్న ఈ సినిమాలో రామ్ పోలీస్ ఆఫీస‌ర్ పాత్ర‌లో కనిపించబోతున్నాడు. శ్రీనివాసా సిల్వ‌ర్ స్క్రీన్ ప‌తాకంపై శ్రీనివాసా చిట్టూరి నిర్మిస్తున్నారు. కృతి శెట్టి కథానాయికగా, ఆది పినిశెట్టి విలన్ పాత్ర‌లో న‌టిస్తున్నారు. ఇక ఇప్పటికే ఈ సినిమా నుంచి విడుద‌లైన పోస్టర్స్‌కు విశేష స్పందన లభించింది.
అయితే, తాజాగా ‘ది వారియర్’ చిత్రానికి సంబంధించిన ఓ వార్త ఇప్పుడు సోష‌ల్ మీడియాలో చక్కర్లు కొడుతోంది. ప్రముఖ ఓటీటీ డిస్నీ ప్లస్ హాట్‌స్టార్ ఈ మూవీకి సంబంధించిన డిజిటల్, శాటిలైట్ రైట్స్ రెండూ క‌లిపి దాదాపు రూ. 35 కోట్ల‌కు కొనుగోలు చేసిందని తెలుస్తోంది. కానీ, దీనిపై మేకర్స్ నుంచి ఇంకా ఎలాంటి అధికారిక ప్రకటన రాలేదు. కాగా, ఈ చిత్రానికి దేవిశ్రీప్రసాద్ సంగీతం అందిస్తున్నాడు.